Cow milk price: दूध संघाकडून दुधाच्या दरात वाढ, उद्यापासून नवीन दरवाढ लागू होणार! गाईच्या दुध दरात झाली मोठी दरवाढ.
दूध खरेदीची शर्यत तीव्र झाली असून संकलनासाठी रस्सीखेच सुरू झाली आहे. पुणे जिल्हा सहकारी दूध उत्पादक संघाने गायीच्या दुधाच्या खरेदी विक्री दरात प्रतिलिटर 2 रुपयांनी वाढ करण्याचा निर्णय घेतला आहे. मात्र म्हशीच्या दुधाच्या खरेदी दरात वाढ न करता विक्री दरात 5 रुपयांनी वाढ करण्यात आली आहे. 1 फेब्रुवारीपासून नवीन दरवाढ लागू होणार आहे.
कात्रज दूध संघाकडून गायीचे फॅट आणि 8.5 एसएनएफ दर्जाचे दूध 35 रुपये प्रतिलिटर होते.
त्यात 2 रुपयांनी वाढ करून 37 रुपये करण्यात आली आहे. तर दूध संस्थांसाठी ओव्हरहेड खर्चासह दर 37.80 पैसे असेल. गायीच्या दुधाची विक्री दर 54 रुपये प्रति लिटरवरून 56 रुपये प्रति लिटर करण्यात आली आहे. त्यामुळे एकीकडे शेतकऱ्यांना रास्त भाव देत असताना दुधाच्या दरवाढीचा बोजा ग्राहकांवर टाकण्यात आला.
दरम्यान, कात्रज दूध संघाचे गेल्या पंधरा दिवसांपासून दैनंदिन दूध संकलन सुमारे २ लाख १५ हजार लिटर होते. ते सध्या 1 लाख 92 हजार लिटरपर्यंत कमी झाले आहे. दूध खरेदीसाठी वाढलेल्या स्पर्धेमुळे संघाचे दूध संकलन कमी होऊ लागले कारण जास्त दर देणाऱ्या डेअरींकडून संकलन वाढले. त्यामुळेच संचालक मंडळाने दूध खरेदी दर वाढविण्याचा निर्णय घेतल्याचे संघटनेचे प्रभारी व्यवस्थापकीय संचालकांनी सांगितले.
म्हशीच्या दुधाच्या विक्री दरात वाढ, ग्राहकांवर भार
म्हशीच्या दुधाच्या खरेदी दरात वाढ करण्यात आलेली नाही. मात्र, कात्रज दूध संघाने विक्री दरात दोन रुपयांनी वाढ करण्याचा निर्णय घेतला आहे. त्यानुसार म्हशीच्या दुधाचा दर प्रतिलिटर 70 रुपयांवरून 72 रुपये प्रति लिटर करण्यात आला आहे. त्यामुळे कात्रज संघाने म्हशीच्या दुधाच्या खरेदी दरात कोणतीही वाढ न करता विक्री दरात वाढ करून ग्राहकांचा खिसा कापल्याचे स्पष्ट झाले आहे.
इंधनाचे दर वाढल्याने पशुखाद्याचे दर वाढल्याने दूध उत्पादक शेतकरी अडचणीत सापडला आहे. त्यामुळे दूध उत्पादक शेतकऱ्यांना मदत करण्याच्या उद्देशाने संघाने दूध खरेदी दर वाढविण्याचा निर्णय घेतला आहे. खरेदीचा दर वाढला की विक्रीचा दरही वाढतो.
Cow milk price: Increase in the price of milk by the milk union, the new price increase will be implemented from tomorrow! There has been a big increase in the price of cow’s milk.
