Sinchan Vihir Anudan Yojana| सिंचन विहीर अनुदान योजना: शेतात विहीर खोदण्यासाठी शेतकऱ्यांना मिळतील 4 लाख रुपये, फक्त सोप्या पद्धतीने असा करा अर्ज.

Sinchan Vihir Anudan Yojana| सिंचन विहीर अनुदान योजना: शेतात विहीर खोदण्यासाठी शेतकऱ्यांना मिळतील 4 लाख रुपये, फक्त सोप्या पद्धतीने असा करा अर्ज. Irrigation well subsidy scheme: Farmers will get Rs 4 lakh for digging wells in their fields, just apply in this easy way.

केंद्र व राज्य सरकार शेतकऱ्यांचे उत्पन्न वाढवण्यासाठी वेगवेगळ्या योजना राबवत असते पंतप्रधान नरेंद्र मोदी यांनी 2022 पर्यंत शेतकऱ्यांचे उत्पन्न दुप्पट करण्याचे उद्दिष्ट ठेवले होते,त्यानुसार केंद्र सरकार काम करत आहे, केंद्र व राज्य सरकार मिळून शेतकऱ्यांच्या उन्नतीसाठी विविध योजना राबवल्या जातात. आज आपण अशाच एका योजनेची माहिती जाणून घेणार आहोत.

नमस्कार शेतकरी मित्रांनो, सरकारकडून विहिरीच्या अनुदानात मोठी वाढ करण्यात आली असून तीन लाखांऐवजी आता चार लाख रुपयांचे अनुदान देण्यात येणार आहे.
राज्य सरकारने ४ नोव्हेंबर रोजी अध्यादेश जारी केला आहे. आतापर्यंत ७३ हजार विहिरींना अनुदान देण्यात आले आहे. त्यामुळे यावर्षी शेतकऱ्यांना या अनुदानाचा लाभ देण्यात आला आहे. राज्य सरकारने महात्मा गांधी राष्ट्रीय ग्रामीण रोजगार हमी योजनेंतर्गत सिंचन विहिरी जलदगतीने पूर्ण करण्यासाठी प्रक्रिया निश्चित केली आहे.

भूजल सर्वेक्षणानुसार राज्यात अद्याप तीन लाख ८७ हजार ५०० विहिरी खोदणे शक्य आहे. त्यामुळे या विहिरी खोदून त्यांचे पाणी वापरल्यास राज्यातील कुटुंबे समृद्ध होतील, असे सरकारला वाटते. या विहिरीसाठी यापूर्वी तीन लाख रुपयांचे अनुदान दिले जात होते. आता ती वाढवून चार लाख करण्यात आली आहे. त्यामुळेच गावोगावी विहिरी काढण्याची मोहीम सुरू होण्याची शक्यता आहे.

सबसिडी कोणाला मिळते?

अनुसूचित जाती, अनुसूचित जमाती, भटक्या जमाती, वगळलेल्या जाती, दारिद्रय़रेषेखालील लाभार्थी, महिला कामगार कुटुंबे, शारीरिकदृष्ट्या अपंग कुटुंबे, जमीन सुधारणा लाभार्थी, इंदिरा आवास योजनेचे लाभार्थी, अनुसूचित जमाती आणि इतर पारंपारिक वनाधिकारी (फॉरेस्ट रेषेखालील) , अल्पभूधारक शेतकरी (अडीच एकरपर्यंत मालकी असलेले), छोटे जमीनदार (पाच एकरपर्यंतचे मालक)

ग्रामसभेच्या मान्यतेनंतर एक महिन्याच्या आत मंजूर : यासाठी ग्रामपंचायतीकडे अर्ज करावेत. मान्यतेचा अधिकार ग्रामसभेला असेल. त्याला महिनाभरात मंजुरी द्यावी लागेल.

अर्ज कसा करायचा?

यासाठी ऑनलाईन अर्ज करण्याची सुविधा उपलब्ध आहे किंवा ग्रामपंचायत कार्यालयात लेखी अर्ज सादर करावा लागतो.

सिंचन विहीर अनुदान योजनेसाठी आवश्यक कागदपत्रे

• आधार कार्ड
• मतदान कार्ड
• सात-बारा उतारा
• आठ-एक उतारा
• जॉब कार्डची प्रत
• जमिनीचा पंचनामा
• गरज भासल्यास सामुदायिक विहीर करार.