Farming Tips: ऊस तोडणीनंतर करा हे १ सोपे काम, शेत बनेल खताचा कारखाना!
Farming Tips : मार्च महिन्यात शेतकरी ऊस तोडणी करत आहेत. ऊस पिकाची एकदा लागवड केल्यानंतर 2 ते 3 वर्षे उत्पादन मिळू शकते. मात्र, उसाच्या तोडणीनंतर योग्य पद्धतीने व्यवस्थापन केल्यास पुढील पिकासाठी जमिनीची सुपीकता वाढवता येते.
ऊस तोडणीनंतर उरलेली पाने जाळू नका!
ऊस संशोधन संस्थेचे विस्तार अधिकारी डॉ. संजीवकुमार पाठक यांच्या मते, उसाच्या पानांची योग्य विल्हेवाट लावल्यास जमिनीतील सेंद्रिय कार्बनचे प्रमाण वाढते. परिणामी, जमिनीत अधिक उत्पादनक्षमता निर्माण होते आणि पुढील पिकासाठी कमी खर्च येतो.
कोरड्या पानांचे ( पाचरट ) नैसर्गिक खतात रूपांतर कसे करावे.?
➜ ऊसाच्या कोरड्या पानांचा (पटाई) उपयोग खतासाठी करा.
➜ ही पाने शेतात समान पसरवून द्यावीत. पानांचा थर 7-8 सेंटीमीटरपेक्षा अधिक जाड नसावा.
➜ मल्चरच्या साहाय्याने पानांचे लहान तुकडे करा. यामुळे ते लवकर कुजतात.
हे काम ऊस तोडणीनंतर त्वरित करा:
~ शेतात ऊसाची पाने आच्छादन स्वरूपात पसरवल्यानंतर पाणी द्यावे.
~ 3 क्विंटल कुजलेले शेणखत घ्यावे.
~ त्यामध्ये 4 किलो ऑर्गेनो डी-कंपोझर मिसळावे.
~ हे मिश्रण संपूर्ण एक एकर क्षेत्रात टाकावे.
फायदे:
- ऊसाच्या पानांचे जलद कुजून नैसर्गिक खतात रूपांतर होईल.
- जमिनीतील सेंद्रिय घटक वाढतील, त्यामुळे जमिनीत सुपीकता वाढेल.
- जमिनीची पाणी धरण्याची क्षमता वाढेल, परिणामी पुढील पिकाला पुरेसे पोषण मिळेल.
- पुढील पिकासाठी शेतकऱ्यांना कमी खर्च करावा लागेल.
शेतीतील नैसर्गिक खत निर्मिती – शेतकऱ्यांसाठी नफा!
ऊस तोडणीनंतर उरलेल्या पानांचा योग्य वापर केल्यास जमिनीचे आरोग्य सुधारते आणि उत्पादनात वाढ होते. त्यामुळे ऊस शेतकऱ्यांनी ही पर्यावरणपूरक पद्धत अवलंबून जमिनीला सुपीक बनवावे!
