Fertilizer subsidy: खतांवरील अनुदानात कपात, ‘या’ खतांसाठी आता शेतकऱ्यांना मोजावे लागतील अधिकचे पैसे, जाणून घ्या कोणते आहेत हे खत.

Fertilizer subsidy: खतांवरील अनुदानात कपात, ‘या’ खतांसाठी आता शेतकऱ्यांना मोजावे लागतील अधिकचे पैसे, जाणून घ्या कोणते आहेत हे खत.Fertilizer subsidy: Reduction in subsidy on fertilizers, farmers will now have to pay more for ‘these’ fertilizers, know what these fertilizers are.

केंद्र सरकारने रब्बी हंगामासाठी पोषण मूल्यावर आधारित अनुदान मंजूर केले आहे. त्यामुळे नायट्रोजन खतांच्या अनुदानात वाढ झाली. तथापि, खरिपाच्या तुलनेत फॉस्फरस, पोटॅश आणि सल्फर खतांचे पोषण मूल्य आधारित अनुदान कमी करण्यात आले.
रब्बी हंगामातील अनुदानासाठी सरकारला 51 हजार 875 कोटी रुपये खर्च करावे लागणार आहेत. केंद्र सरकारने रब्बी हंगामासाठी पोषण मूल्यावर आधारित अनुदान जाहीर केले आहे. त्यामुळे नायट्रोजन खतांच्या अनुदानात वाढ झाली. तथापि, खरिपाच्या तुलनेत फॉस्फरस, पोटॅश आणि सल्फर खतांचे पोषण मूल्य आधारित अनुदान कमी करण्यात आले.

मंत्रिमंडळाने रब्बी हंगामात पोषण मूल्यावर आधारित अनुदानासाठी 51,875 कोटी रुपयांच्या निधीला मंजुरी दिली. केंद्र सरकारने रब्बी हंगामासाठी नायट्रोजन खतांवरील अनुदान वाढवून 98.02 रुपये प्रति किलो केले आहे.

खरिपासाठी 91.96 रुपये प्रति किलो अनुदान होते. म्हणजेच केंद्राने रब्बीसाठी नायट्रोजन खतांच्या अनुदानात 6.06 रुपये प्रति किलोने वाढ केली आहे.
फॉस्फरसवरील अनुदान 5.81 रुपये प्रति किलोने कमी करण्यात आले. खरिपात स्फुरद खतासाठी 72.74 रुपये प्रतिकिलो अनुदान मिळाले. केंद्राने रब्बीसाठी 66.93 रुपये अनुदान जाहीर केले.
पोटॅश अनुदानातही 1.63 रुपयांची कपात करण्यात आली आहे. रब्बीसाठी प्रतिकिलो 23.65 रुपये अनुदान जाहीर करण्यात आले. खरिपात 25.31 रुपये होता.
सल्फरवरील अनुदानही 6.94 रुपयांवरून 6.12 रुपये प्रतिकिलो करण्यात आले आहे. केंद्राने यावर्षी खरिपासाठी 60,939 कोटी रुपयांचे अनुदान दिले होते.

एप्रिलमध्ये खरीपासाठी अनुदान जाहीर झाले तेव्हा आंतरराष्ट्रीय बाजारात युरियाचा दर प्रतिटन $631 होता. डीएपी खत $924 आणि एमओपी $590 प्रति टन दराने आयात केले गेले.
पण आता आयात केलेल्या युरियाची किंमत 661 डॉलर प्रति टन झाली आहे. DAP दर $758 वर घसरला. एमओपीचा दर प्रति टन $590 वर स्थिर आहे.
सरकारने रब्बी हंगामासाठी पोषण मूल्यावर आधारित अनुदानासाठी 51 हजार 875 कोटी रुपयांचे अनुदान जाहीर केले आहे. त्यात स्वदेशी खतांसाठी वाहतूक अनुदानाचाही समावेश आहे. देशात खतांचा तुटवडा नसल्याचा दावाही सरकारने केला.

खते मंत्री मनसुखभाई मांडविया यांनी सांगितले की, रब्बी हंगामातील युरियासाठीचे अनुदान 87,000 कोटी रुपये करण्यात आले आहे. अर्थसंकल्पात केवळ 33 हजार कोटींची तरतूद होती.
तसेच पोषणमूल्याच्या आधारे खतांच्या अनुदानासाठी 51 हजार 875 कोटी रुपये देण्यात येणार आहेत. अर्थसंकल्पात केवळ 21 हजार कोटींची तरतूद होती.
रब्बी हंगामात शेतकऱ्यांना वेळेवर आणि मुबलक खते मिळावीत यासाठी सरकारने हा निर्णय घेतल्याचेही मंत्री मांडविया यांनी सांगितले.